Ministri i Brendshëm, Bledi Çuçi në një aktivitet të organizuar ku po prezantohet buxheti i vitit 2022 për Policinë e Shtetit teksa theksoi rolin e teknologjisë në punën e përditshme të Policisë së Shtetit bëri dhe një bianc të gjobave të vendosura nga makina inteligjente.
Çuçi tha se vetëm në një vit janë vendosur 10 mijë gjoba teksa theksoi se mundësia e kontaktit e kundravajtësit me policin është zero.
“Makina inteligjente që kemi vënë në punë në rreth 1 muaj ka konstatuar rreth 10 mijë gjoba në ato rrugë ku ajo ka dalë në shërbim. Gjoba dërgohet më pas me foto ose video në adresën e kundravajtësit. Mundësia e kontaktit të punonjësit të policisë me shkelësin është zero. Gjoba printohet dhe shkon në shtëpi. Nuk jam duke thënë që gjoba është qëllim në vetvete, por e sjell si rast për të ilustruar forcën e teknologjisë që shmang çdo abuzim potencial të punonjësit të policisë në raport me drejtuesit e mjeteve. Këtë flotë do ta zgjerojmë, rrugët e sigurta janë prioritet. Nuk ka negociatë me gjoba.” , tha Çuçi.
