Një aksident i rëndë është regjistruar mbrëmjen e së enjtes në aksin rrugor Korçë-Pogradec, në afërsi të fshatit Çiflig.
Një mjet policie ka përplasur një këmbësor, i cili si pasojë e plagëve mësohet se ka ndërruar jetë në vendngjarje.
Sipas njoftimit zyrtar të policisë, grupi hetimor po zhvillon hetimet në bashkëpunim me Shërbimin për Çështjet e Brendshme dhe Ankesat.
“Më datë 22.04.2021, rreth orës 22:50, në aksin rrugor Korçë-Maliq, pranë fshatit Çiflig, Korçë, automjeti i policisë tip “Ford”, ka aksidentuar një këmbësor rreth 45 vjeç, ende i paidentifikuar, i cili për pasojë ka ndërruar jetë.
Grupi hetimor në bashkëpunim me Shërbimin për Çështjet e Brendshme dhe Ankesat, nën drejtimin e Prokurorisë Korçë, po kryejnë veprimet hetimore për zbardhjen e plotë të rrethanave të ngjarjes”, bën me dije policia./Opinion.al
