Përmes një njoftimi zyrtar, Prokuroria e Posaçme, SPAK ka bërë me dije se janë marrë në shqyrtim të gjitha rastet e paraqitura nga OFL-ja sa i takon sekuestrimit të disa pasurive.
Operacioni “Forca e Ligjit” ka goditur deri më tani 101 pasuri të vendosura në rrugë kriminale, duke kërkuar sekuestrimin dhe konfiskimin e tyre. Këto pasuri, 71 prej tyre automjete dhe 30 pasuri të paluajtshme.
Mes tyre SPAK ka vlerësuar të ligjshme sekuestron e policisë në kushte emergjence për 27 pasuri dhe ka kërkuar nga Gjykata e Posaçme vendosjen e sekuestros për 30 pasuri të tjera.
Ndërkohë, sipas SPAK “për 29 pasuri është vlerësuar se sekuestro në kushtet e emergjencës apo kërkesa për sekuestrim e paraqitur nga Policia e Shtetit është bërë në kundërshtim me kërkesat e Aktit Normativ Nr.1, datë 31.012020 dhe në këto kushte është vendosur kthimi i materialeve Policisë së Shtetit”./Opinion.al
