Një aksident është regjistruar pasditen e sotme në rrugën Korçë-Drithas, në Maliq, ku një automjet ka dalë nga rruga dhe për pasojë janë dëmtuar dy të rinj.
Sipas uniformave blu, kanë mbetur të dëmtuar shtetasit B. L., 21 vjeç, banues dhe S. L., 32 vjeç.
Dy të rinjtë janë dërguar në Spitalin e Korçës dhe ndodhen nën kujdesin e mjekëve.
“Më datë 07.02.2022, rreth orës 17:20, jemi njoftuar se në rrugën Korçë-Drithas, Maliq, sapo kalon urën e këtij fshati, ka dalë nga rruga mjeti tip “Hyundai” dhe për pasojë janë dëmtuar shtetasit B. L., 21 vjeç, banues në Vlorë dhe S. L., 32 vjeç, banues në fshatin Sheqeras, Maliq, të cilët u dërguan për në Spitalin e Korçës, ku ndodhen nën kujdesin e mjekëve”,-njofton policia./Opinion.al
