Një aksident rrugor është regjistruar në dalje të fshatit Vërdovë, Pogradec. Sipas policisë një 42 vjeçar duke drejtuar automjetin tip “Honda”, ka humbur kontrollin dhe automjeti ka dalë nga rruga. Për pasojë janë lënduar të 4 pasagjerët që udhëtonin në këtë automjet.
“Mesditën e sotme, në dalje të fshatit Vërdovë, Pogradec, shtetasi G. Gj., 42 vjeç, duke drejtuar automjetin tip “Honda”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar 4 pasagjerë që udhëtonin në këtë automjet, të cilët u transportuan në spitalin e Pogradecit dhe ndodhen jashtë rrezikut për jetën.Me drejtuesin e automjetit G. Gj., po kryhen veprimet procedurale”-njofton policia.
