Një aksident i rëndë ka ndodhur mbrëmjen e sotme, ku një automjet ka humbur kontrollin dhe ka dalë nga rruga.
Mësohet se aksidenti ka ndodhur rreth orës 20:25, në fshatin Zahrisht.
Si pasojë e aksidentit, kanë mbetur të plagosur djali i cili drejtonte automjetin dhe babai, pasagjerë.
Të plagosurit janë transportuar në spital dhe ndodhen jasht rrezikut për jetën.
Njoftimi i plotë:
Rreth orës 20:25, në fshatin Zahrisht, shtetasi L.M., i cili udhëtonte së bashku me babain e tij shtetasin I. M., dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Drejtuesi i automjetit dhe babi i tij, janë dërguar në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
