Një aksident është regjistruar pasditen e sotme në aksin rrugor Lushnje-Berat.
Mësohet se si pasojë e aksidentit kanë mbetur të plagosur 5 persona të një familjeje.
Paraprakisht bëhet e ditur se një mjet i tipit “Fuoristrad” ka dalë nga rruga dhe ka përfunduar në një arë.
Ndërsa raportohet se katër nga të lënduarit janë transportuar në spitalin e Lushnjës, ku po marrin ndihmë mjekësore.
“Rreth orës 18:00, në aksin rrugor “Lushnjë-Berat”, në fshatin Stan Karbunarë, shtetasi D. F., 42 vjeç, duke drejtuar automjetin tip “Toyota”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes nga rruga, është dëmtuar drejtuesi i mjetit, shtetasja E. F., 37 vjeçe dhe fëmijët e tyre të mitur, të moshave 14 vjeç, 13 vjeç dhe 7 vjeç, të cilët ndodhen në Spitalin e Lushnjes, në kujdesin e mjekëve.
Grupi hetimor po punon për zbardhjen e rrethanave të aksidentit”, njofton policia./Opinion.al
