Një 28-vjeçare ka mbetur e plagosur pasi mjeti tip “Audi”, me të cilin po udhëtonte është rrëzuar nga ”Ura e Vërtopit” dhe ka përfunduar disa metra poshtë në zhavorrin e lumit Osum.
Ngjarja ka ndodhur në aksin nacional Berat-Skrapar, në fshatin Vërtop, mesditën e sotme.
Sipas news 24 si pasojë e aksidentit drejtuesja e mjetit Anxhela Ibra 28-vjeçe, është plagosur rëndë, ndërkohë që pasagjeri që udhëtonte me të nuk ka pësuar lëndime.Autoritetet janë njoftuar nga një roje e një subjekti aty pranë që pa gjithë ngjarjen. Në vendngjarje kanë mbërritur forca të ushtrisë dhe policisë, të cilët kanë nxjerrë nga makina 28-vjeçaren. E plagosura është transportuar fillimisht drejt Spitalit Rajonal të Beratit ku, pasi ka marrë mjekimin e parë është transportuar me urgjencë drejt Spitalit të Traumës në Tiranë.
Grupi hetimor është duke punuar për zbardhjen e shkaqeve të aksidentit të rëndë./Opinion.al
