Xhudistja Majlinda Kelmendi ka siguruar medaljen e parë olimpike për Kosovën.
Ajo ka arritur finalen e madhe në “Rio 2016” në kategorinë deri në 52 kilogramë, pasi mposhti në gjysmëfinale japonezen Misato Nakamura.
Tani ajo ka siguruar të paktën medaljen e argjendtë.
Në finale, Kelmendi do të ndeshet me italianen Giuffrida.
Kelmendi fiton për 25 sekonda, kalon në çerekfinale
Majlinda Kelmendi nuk ndalet në Rio. Xhudistja shqiptare që garon nën flamurin e Kosovës mori fitoren e dytë në Lojërat Olimpike duke kaluar në gjysmëfinale.
Sportistja mundi në fazën e dytë rivalen Christianne Legentil. Kjo e fundit e ka eliminuar Kelmendin në vitin 2012 në Londër.
Më herët, kampionia e botës në xhudo mposhti zviceranen Evelye Tchopp duke kaluar në fazën çerekfinale. Asaj iu deshën 25 sekonda për të rrëzuar kundërshtaren.
Majlinda Kelmendit i duhen edhe dy fitore për të kapur medaljen e artë.
