Majlinda Kelmendi është kualifikuar për në gjysmëfinalen e Kampionatit Botëror të Xhudos që po mbahet në Tokio të Japonisë.
Kelmendi ka mundur xhudisten Ai Shishime në çerekfinale, duke “hakmarrë” ndaj japonezes pasi u mposht pikërisht nga ajo në botërorin e 2017-s.
Tashmë atë e pret dueli me kampionen e botës vitin e kaluar 19-vjeçaren Abe Uta e cila ka patur rezultate shumë të mira edhe gjatë këtij viti.
Përballja mes Kelmendit dhe Abe bëhet për herë të parë dhe është një duel mes kampiones olimpike dhe kampiones së botës. /Opinion.al
