Deputetja e PD-së, Majlinda Bregu e ftuar nga gazetari Sokol Balla në emisionin ‘Top Story’ në lidhje me mosdakordësinë e saj me lidershipin e kësaj partie, ka bërë me dije se një nga faktorët që ka dëmtuar shpresën tek opozita, ka qenë humbja e besimit tek alternativa e opozitës.
Bregu tha se PD duhet të kthejë sytë nga pasqyra për të parë vetveten, nëse një njeri, nuk e sheh veten në pasqyrë nuk ka bërë një analizë të saktë.
“Ne duhet të pranojmë të vërtetën tonë. Pse e gjithë PD shkoi në Dibër? Për të garantuar votën nga vjedhjet dhe nga parat e drogës”, tha Bregu.
Ajo theksoi se bandat, droga dhe krimi ka qenë në çdo palë zgjedhje në Shqipëri.
“Unë mendoj se PD duhet të gjejë zgjidhje si të shpëtojë nga ky kancer që është bërë pjesë e zgjedhjeve”, tha ajo.
