Majlinda Bregu ka dalë sërish kundër grupit të partisë demokratike, pak pas mbledhjes së tij. Bregu eshte shprehur edhe nje here tjeter publikisht kundër bojkotit të zgjedhjeve. ‘Mos zhvillimi i zgjedhjeve, s’mund të konsiderohet fitore’, tha ajo per mediat teksa beri nje deklarate te forte, kur tha se tani detyra e çdo demokrati, eshte rindërtimi i PD.
“Kam frikë se në mos u shpiktë ndonjë jetë politike në Mars, dalja ose vazhdimi i luftës apo mosbindjes civile jashtë institucioneve nuk e bën PD më të madhe dhe nuk mund te hesht dot e të mos e them këtë shqetësim që kam sot. Shpresoj që ky shqëtësim të mos jetë vetëm i imi dhe edhe ne qeofte i imi dhe i disa kolegeve te tjere, nuk e them qe kam hallin tim apo te kryetarit te PD, ne do kemi mundesine te gjejme nje pune, por është halli i atyre demokratëve që sot s’do ndjehen të përfaqësuar në parlamentin e ardhshëm. Jam e bindur që 18 qershori s’do jetë ditë zgjedhjesh, nga ana tjeter jam po aq e bindur se 18 qershori s’mund të keqpërdoret nga Edi Rama si të jetë 29 nëntori i Enver Hoxhës. Jam e bindur se pas kesaj situate detyra kryesore e cdo demokrati eshte rindertimi i Partise Demokratike”.
