Majko tregon batutat me Anetën: Ta dija se Edi bëhet kaq i mirë do e fusja në PS që 14 vjeç

Kreu i listës së deputetëve të Tiranës, Pandeli Majko, duke u treguar të rinjve se përse ata duhej të ishin pjesë e Partisë Socialiste, nuk ka lënë pa vlerësuar Edi Ramën në krye të Partisë Socialiste. Duke iu drejtuar Ramës ai i tha: “Njësia 5 nuk të mbështet si kryeministër, por si Ed”. Por kulmi i batutave të djeshme ishte rrëfimi i Majkos për një bisedë që ka pasur pak kohë më parë me nënën e Edi Ramës, Anetën.
“Një ditë tek pija kafe me nënën e Edit, zonjën Aneta, e cila më pyeste se si po drejtonte dhe çfarë raportesh kishte me kolegët në parti, ajo më thotë: ‘Pandi, më thuaj nëse Edi bën ndonjë gabim në punë e sipër apo në marrëdhëniet me njerëzit’. Unë i thashë se që nga dita që ka ardhur në PS ka ndryshuar, nuk është më ai që ka qenë, u martua, u bë përsëri baba… Aneta e entuziazmuar më tha: ‘Ta dija që Edi do bëhej kaq i mirë, do ta fusja në Partinë Socialiste që 14 vjeç!’”. Ky rrëfim krijoi shumë humor në sallë, ndërsa nisi edhe procesi i dorëzimit të teserave për të rinjtë. /panorama