Socialisti Pandeli Majko kërkon që Edi Rama dhe Lulzim Basha të ulen në një tryezë dialogu. Por Ministri i Shtetit për Diasporën thotë se tryeza të jetë jo për të bërë pazar, por për të nxjerrë Shqipërinë nga një qerthull.
“Në fund fare dikush do të humbasë, por ndonjëherë në politikë humb duke fituar dhe fiton duke humbur”, deklaroi Majko në një intervistë televizive.
Majko theksoi se precedenti që po vendos opozita është i rrezikshëm, ndërsa nuk mendon se vendi po shkon drejt një konflikti social.
Por si janë marrëdhëniet brenda PS-së? Për këtë Pandeli Majko përgjigjet: “Si mendoni ju, se na ul në rresht dhe ne të gjithë i themi “Po, shef”, “Si urdhëron, shef”? Duhet ta ndryshoni këtë perceptim. Me Edi Ramën bën sherr dhe ndodh që pas një jave të thotë që ke të drejtë”./ G.F Opinion.al
