TIRANE- Eshtë përfshirë edhe Pandeli Majko në debatin për ndërtimin e parkut të lojërave te Kodrat e Liqenit. Ai ka postuar në Facebook një foto të pallateve në zonën e Farkës, pranë Liqenit, ku shkruan se ky është shkatërrimi i vertetë. Sipas Majkos, fajin për këtë e kanë demokratët sepse lejet i ka dhënë ish-kryetari i komunës, Fatbardh Plaku i cili ka qenë i djathtë.
Por duket se ndjekësit e tij në Facebook nuk janë dakord me këtë shmangie që i bën Majko, fakteve. Ata i kujtojnë se Rama ka dhënë pjesën më të madhe të lejeve të ndërtimit në Tiranë.
Më poshtë keni të plotë statusin e Majkos dhe komentet në Facebook të qytetarëve
“Kujtesë dashamirëse për ata që protestojnë sot për ndërtimin e supozuar të një “Grand kafe” në parkun e liqenit të Tiranës. Deklarata e kryetarit të Bashkisë së Tiranës se nuk do të ketë asnjë ndërtim “Grand kafeje” në parkun e fëmijve për të cilën është protestuar duket shterruese.
Gjithsesi, ajo që mbetet është “Grand Lagjia” e turpshme e betonit buzë liqenit si pjesa e dukshme e papërgjegjshmërisë sonë ndaj ambjentit…
Tirane 24 shkurt 2016.”
/Opinion.al
