Policia italiane ka sekuestruar një arsenal armësh në banesën e Raffaele Imperiale, i cili akuzohet si drejtues i një grupi mafioz. Imperiali ishte i njohur pasi mbante në banesën e tij piktura të vjedhura të Vincent Van Gogh.
Pikturat e gjetura në banesën e tij ishim të vjedhura në Amsterdam në 2002 dhe u gjetën nga policia në vilën Imperial në 2016 në Napoli. Secila prej tyre vlerësohej mbi 50 milionë euro.
Sipas Prokurorisë së Napolit, në kontrollin e fundit në banesën e kryemafiozit u gjetën mbi 80 armë zjarri, mes të cilave 3 kallashnikovë, granada dhe mijëra fishekë të kalibrave të ndryshëm.
Imperiale konsiderohet si një figurë kyçe në trafikun e lëndëve narkotike, pastrimit të parave dhe njihej për lidhjet e tij me Camorran. Ai u arrestua në vitin 2021 në Dubai dhe më pas u ekstradua në Itali për t’u përballur me akuzat e ngritura ndaj tij./Opinion.al
