“Si copëzat e zemrës tënde, duke ecur rreth teje”. Është ky mesazhi që Madona lë në Instagram për vajzën e saj të madhe Lourdes Maria Ciçone Leon, tani e njohur më shumë si Lola. Ylli i pop-it postoi në profilin e saj në Instagram një foto të përqafuar me të, shoqëruar me komentin e ndjerë. Në foto shihet Lourdes e cila ndërsa bën selfie me nënën e saj, nuk shqetësohet aspak se fotoja zbulon sqetullat e padepiluara. Një foto të ngjashme ka patur edhe Madona 30 vite më parë, e tashmë duket se historia përsëritet. Ashtu si e ëma edhe e bija duket se mbart një frymë rebelimi dhe feminiteti agresiv, që nuk bën kompromis. E me sa duket, vetëm e tillë mund të ishte një trashëgimtare e denjë e mbretëreshës së popit./Opinion.al
