Emmanuel Macron u klasifikua sot si francezi me numrin më të madh të klikimeve në Twitter me mesazhin “Të bëjmë planetin tonë sërish të madh” postuar dy ditë më parë, shpërndarë më shumë se 220.000 herë duke marrë rreth 365.000 pëlqime deri mëngjesin e sotëm, referuar rrjetit social.
Rreth orës 23:30 të së enjtes, presidenti francez bëri një deklaratë në frëngjisht më pas në anglisht në formë përgjigje ndaj Donald Trump për largimin e SHBA nga marrëveshja e Parisit për Klimën.
Kjo deklaratë në anglisht nga Elizeja është e para në historinë e saj për një president francez.
Deri më tani, rekordin e një postimi në frëngjisht në Twitter e mbante një prezantues në televizion.
Mesazhi që ndryshon sloganin e Donald Trump “Make America great again”, me gërma të mëdha me sfondin blu-jeshile u shpërnda në mbarë botën më shumë se 20 për qind e postimeve në Twitter që vinin nga SHBA, gati 10 për qind të Francës, 5 për qind të Britanisë së Madhe dhe 3 për qind të Meksikës, sipas qendrës Visibrain./politiko.al
