Presidenti francez Emmanuel Macron ka shprehur “shqetësimin e tij të madh” për sigurinë bërthamore gjatë telefonatës me presidentin rus Vladimir Putin, e cila u zhvillua sot.
Pallati Presidencial Francez thotë se Macron i tha Putinit se ishte e domosdoshme të ndërmerren hapa konkretë për të adresuar sigurinë dhe masat mbrojtëse bërthamore.
“Ai (Macron) theksoi domosdoshmërinë absolute për të shmangur çdo dëmtim të integritetit të objekteve bërthamore civile të Ukrainës, siguria e të cilave duhet të garantohen në përputhje me rregullat e Agjencisë Ndërkombëtare të Energjisë Atomike dhe propozimet e Drejtorit të Përgjithshëm të saj. Presidenti rus ka rënë dakord që IAEA duhet të fillojë punën në këtë fushë pa vonesë. Presidenti (francez) bëri thirrje gjithashtu për respektimin e ligjit ndërkombëtar humanitar, mbrojtjen e civilëve dhe shpërndarjen e ndihmave. Ai përsëriti rëndësinë e një zgjidhjeje të negociuar, plotësisht të pranueshme për ukrainasit. Më në fund, Presidenti përfitoi nga ky shkëmbim për të transmetuar shqetësimin e tij për një sulm të afërt në qytetin e Odessa“,-tha Elysee.
