Presidenti francez, Emmanuel Macron paralajmëroi Brukselin për një dështim të mundshëm të projektit politik europian në rast se Unioni nuk mbështet ekonomitë më të goditura nga koronavirusi, si ajo e Italisë, për të nisur rimëkëmbjen.
Macron, përjashton çdo plan tjetër përveç krijimit të një fondi të përbashkët, i cili do të ishte më shumë një borxh i përbashkët me një garanci të gjithanshme për të financuar shtetet anëtare në bazë të nevojave të tyre.
Ky pohim i kreut të shtetit francez në një intervistë për Financial Times vjen pas pakënaqësive gjithnjë e në rritje të vendeve të bllokut për kundërpërgjigjen e vonuar dhe jo adekuate ndaj pandemisë koronavirus nga BE-ja./Opinion.al
