Kryeministri Edi Rama ka përcjellur Presidentin Emmanuel Macron, pas përfundimit të vizitës së tij në vendin tonë.
Përmes një postimi në rrjete sociale, Rama ka ndarë një foto nga momenti i takimit në aeroportin e Rinasit, teksa njofton se do të shihen sërish së shpejti.
“Mirupafshim dhe shihemi së shpejti zoti President. Rroftë SHQIPËRI, RROFTË FRANCA”, shkruan Rama.
Kujtojmë që Presidenti francez erdhi në Tiranë mbrëmjen e djeshme, me një plan konkret për Shqipërinë dhe Rajonin, duke u zotuar se do të udhëheqë një proces të ri politik që do të quhet Ribashkimi i Evropës.
Gjatë vizitës së tij të parë zyrtare në Shqipëri, Macron veç mesazheve për integrimin, ka nënshkruar disa marrëveshjeve të rëndësishme në fushën e ekonomisë./Opinion.al
