Samiti i NATO-s në Madrid ka përfunduar dhe liderët botërorë që janë pjesë e aleancës ushtarake kanë ndarë reagimet e tyre.
Gjatë fjalës së tij, presidenti francez Emmanuel Macron ka thënë se mbështetja për Ukrainën nuk mund të ndalet.
“Lufta e Ukrainës është lufta e Bashkimit Evropian dhe NATO-s”,-shtoi ai.
Ndërkohë, kancelari gjerman Olaf Scholz tha se nuk dëshiron të spekulojë se për sa kohë do t’i duhet mbështetje Ukrainës.
Ai i quajti “qesharake” komentet e Putinit për imperializmin e NATO-s, duke shtuar se askush nuk mund të thotë se çfarë do ta bënte presidentin rus t’i jepte fund luftës në Ukrainë./Opinion.al
