Presidenti francez, Emmanuel Macron iu ka prerë shpresat autoriteteve ukrainase në lidhje me aplikimin e tyre për anëtarësim me procedurë të përshpejtuar për në Bashkimin Europian.
Kreu i Elizesë bën me dije se ndoshta do të duhen disa dekata që Ukraina të bëhet pjesë e Unionit Europian me të drejta të plota.
Megjithatë, Macron deklaron se Ukraina është tashmë një anëtare e familjes europiane për shkak të luftës dhe guximit të treguar gjatë këtyre ditëve të luftimeve.
Macron gjithashtu i tha Parlamentit Evropian se shpreson që BE të ecë përpara në pranimin e Ukrainës, ndërkohë që ajo ka plotësuar pyetësorin e dytë si pjesë e procesit të aplikimit në BE.
