Aksidenti i rëndë, i ndodhur në Bullgari, i ka marrë jetën 45 personave, të cilët po udhëtonin me një autobus drejt Maqedonisë së Veriut.
Në mesin e viktimave ka pasur shumë shqiptarë dhe mes tyre ka qenë edhe motra e dhëndri i zyrtarit shqiptar, në Maqedoninë e Veriut, Abduselam Selamit.
Lajmin e rëndë e ka dhënë vetë Selami përmes një postimi mjaft prekës në rrjetet sociale.
“Ah motër ma djege shpirtin, mbretëresha ime e madhja.
Në duart tua u rrita, me nënën të zëvendsoja, këshillat e tua sa më ndihmuan në jetë, sa ju gëzoje sukseseve tona, na ike pa u përshëndetur!
Familjarë, miq, shokë në aksidentin që ndodhi në Bulgari, ju njoftoj se në mesin e 46 engjujve ishin edhe motra ime e madhe Fevzija dhe dhëndri im Ibrahimi.
Të Zotit jemi dhe tek Ai do të kthehemi!
Për vorrimin do jeni të informuar”, ka shkruar ai në një postim në “Facebook”.
