“Lux Air” i nxorri pengesa, FSHF fiton gjyqin me kompaninë ajrore luksemburgase

Federata Shqiptare e Futbollit ka fituar gjyqin me kompaninë “Lux Air” pas probleme që kjo kompani i hapi Kombëtares për të fluturuar nga Austria drejt Luksemburgut më 27 mars të këtij viti. Kompania në fjalë nuk pranoi asokohe të përfundonte procedurat për tre pjesëtare të delegacionit kuqezi, dhe federata vendoi që i gjithë ekipi të qëndronte edhe një ditë në Austri, dhe të nesërmen, u nis me çarter drejt Luksemburgut. Pas incidentit, FSHF doli me një deklaratë ku sqaroi gjithçka kish ndodhur, si dhe u shpreh qartazi që do të ndjekë çështjen në rrugë ligjore. Diçka e tillë ka ndodhur, dhe sipas “Sport Ekspres”, FSHF e ka fituar gjyqin nga i cili ka përfituar 50 mijë euro dëmshpërblim.