-Kulturë

Luvri zhvlerëson da Vincin më të shtrenjtë në botë


               Publikuar në : 12:39 - 27/05/19 |
Al Do

Piktura më e shtrenjtë në botë nuk do të jetë pjesë e shfaqjes për Leonardo da Vinçin që do të organizojë muzeu i Luvrit në Paris.

Piktura me emër Salvator Mundi, dyshohet nga kuratorët e Luvrit se nuk është punë e Leonardo da Vinçit dhe kishin vendosur ta shfaqnin atë në kategorinë ‘punishtja e Leonardos’.

Portreti i Jezu Krishtit u bë i famshëm kur u ble për 450 milion dollarë duke e bërë atë pikturën më të shtrenjtë në histori. Më vonë u zbulua se blerësi ishte princi i kurorës në Arabinë Saudite, Mohammed bin Salman, i cili premtoi se do ta shfaqte atë në muzeun e Luvrit në Abu Dhabi.

Shfaqja në Abu Dhabi u shty pasi piktura u kërkua nga Parisi për shfaqjen në nder të 500 vjetorit të vdekjes së Leonardo da Vincit. Por me dyshimet që kanë hedhur se fundmi ekpertët mbi autenticitetin e pikturës, ‘Salvator Mundi’ nuk do të shfaqet as në Paris.

“Nëse piktura 450 milion dollarëshe do të shfaqej si punim në punishten e da Vinçit atëherë vlera e saj mund të zbresë në 1.5 milion dollarë” thotë Ben Lewis, autor i librit The Last Leonardo. /Opinion.al

Pas