Një çift të rinjsh është aksidentuar mbrëmjen e së dielës në Lushnjë. Ngjarja ka ndodhur në orën 20:00 në në lagjen “Skënder Libohova”, ndërsa shtetasit T. A., 34 vjeç dhe D. S., 22 vjeçe kanë qenë duke kaluar rrugën. Ata janë përplasur nga një automjet tip “Mercedes Benz”, i drejtuar nga shtetasi R. Ç., 26 vjeç.
Të dy të rinjtë e lënduar ndodhen në spitalin e Lushnjës nën kujdesin e mjekëve, ndërsa policia njofton se ka shoqëruar drejtuesin i automjetit dhe po kryhen veprimet procedurale./Opinion.al
