Një aksident është regjistruar sot në Lushnjë, ku një kamion është përplasur me një ambulancë. Për pasojë, ka humbur jetën një person.
Sipas informacioneve, viktimë e aksidentit ka mbetur pacienti që po transportohej me autoambulancë me urgjencë drejt Tiranës.
Viktima është identifikuar si Dashamir Koçaj, 77 vjeç nga Vlora. Mësohet se, përplasja ka ndodhur në kryqëzim të autostradës, Lushnje-Fier, ndërsa ende nuk dihen shkaqet e aksidentit.
Po ashtu, të plapsur nga aksidenti kanë mbetur edhe infermieri së bashku me drejtuesin e autoambulancës. Ndërkohë, Policia ka shoqëruar drejtuesin e kamionit, i cili po merret në pyetje në lidhje me dinamikën e ngjarjes.
