Kreu i Partisë Demokratike, Lulzim Basha, ditën e sotme, ka ritheksuar gjatë takimit me qytetarët e Lushnjes, premtimin për t’i kushtuar më shumë vëmendje fermerëve shqiptarë dhe siç ndodh sot që favorizohen të huajt.
Nga zona që njihet si hambari i Shqipërisë, Basha tha se në qeverinë e tij fermerët e Myzeqesë dhe të gjithë Shqipërisë do të jenë të parët.
“Në qeverinë time, fermerët e mi janë të parët, fermerët e myzeqesë të parët, fermerët e Shqipërisë të parët dhe pastaj fermerët e huaj. Jam kundër politikave që kanë për qëllim të majmin disa eksportues dhe importues të caktuar”, u shpreh Basha.
Basha premtoi vëmendje maksimale për bujqësinë dhe kritikoi kryeministrin Edi Rama se e la jashtë vëmendjes këtë sektor strategjik.
