Një 17 vjeçare ka goditur me thikë vëllain e saj në Lushnje. 18-vjeçari është transportuar në spital, ku ndodhet nën kujdesin e mjekëve. Ndërkohë në një njoftim për mediat, policia bën me dije se ka nisur procedimi penal për të miturën dhe nënën e saj V. U., 46 vjeçe. Ato nuk i janë bindur urdhrit të punonjësve të Policisë, për shoqërimin e tyre në komisariat.
“Lushnjë/Specialistët për Hetimin e Krimeve në Komisariatin e Policisë Lushnjë referuan materialet në Prokurori dhe nisën procedimin penal për shtetasen V. U., 46 vjeçe, banuese në Lushnjë, dhe vajzën e saj të mitur 17 vjeçe, pasi ditën e djeshme, dyshohet se vajza e mitur ka goditur me mjet prerës vëllanë e saj, 18 vjeç, i cili ndodhet në spital, nën kujdesin e mjekëve, si edhe të dyja nuk i janë bindur urdhrit të punonjësve të Policisë, për shoqërimin e tyre në komisariat”-njofton policia./Opinion.al
