Policia Kufitare e Durrësit ka ndëshkuar ditën e sotme me masën administrative 100 000 lekë të rinj, drejtuesin e një mjeti lundrues gomone.
Sipas uniformave blu, drejtuesi me gomone, kishte shkelur perimetrin e sigurisë duke vënë në rrezik jetën e plazhistëve.
Policia Kufitare dhe Njësia Policore Detare kanë ndërhynë menjëherë dhe bllokuan mjetin lundrues.
“Policia Kufitare e Durrësit dhe Njësia Policore Detare, pas marrjes së njoftimit nga shërbimet e patrullës tokësore që patrullon në vijën bregdetare dhe nga pushues në plazhin e Spillesë, se një mjet lundrues gomone po lundronte brenda perimetrit të sigurisë, duke rrezikuar jetën e plazhistëve, menjëherë kanë shkuar në adresën e dhënë.
Policia Kufitare identifikoi mjetin lundrues (gomone) dhe bëri bllokimin e menjëhershëm të tij.
Gjithashtu, ndëshkoi me masë administrative 100 000 lekë të rinj, drejtuesin e mjetit lundrues gomone, për ushtrim të aktivitetit jashtë zonave të miratuara, duke rrezikuar jetën e pushuesve.
Mjeti i bllokuar u shoqërua në ambientet e SPK Durrës”, tha policia./ Opinion.al
