Policia e Përmetit ka sekuestruar 768 kg droge në një tunel të Përmetit. Droga është gjetur në fshatin Piskovë. Në tunel ishin fshehur plot 102 pako kanabis, me një peshë totale rreth 768 kg. Për drogën, policia ka shoqëruar disa persona, por ende nuk janë gjetur poseduesit e vërtetë të saj. Sipas burimeve, droga u gjet gjatë një kontrolli në një tunel në fshatin Piskovë, e ndarë në 102 pako dhe e futur në thasë.
Grupi hetimor i posaçëm i ngritur për këtë rast ka nisur menjëherë hetimet dhe ka shoqëruar disa persona.
“Operacion antidrogë i koduar “Piskova”. Operacioni nga Seksioni për Hetimin e Narkotikëve në D.V.P.Gjirokastër në bashkëpunim me Komisariatin e Policisë Përmet. Sekuestrohen 768 kilogramë lëndë narkotike e dyshuar e llojit Cannabis Sattiva. Shoqërohen disa persona. Në bazë të informacioneve të marra në rrugë policore nga Seksioni i Hetimit të Narkotikëve në D.V.P Gjirokastër se në një tunel në fshatin Piskovë, Përmet kishte lëndë narkotike, menjpherë është organizuar e vijon operacioni “Piskova”. Si rezultat i operacionit nga kontrolli i ushtruar në tunel, shërbimet e policisë kanë gjetur 102 pako dhe thasë të përmasave të ndryshme, brenda të cilave kishte lëndë të dyshuar narkotike Cannabis Sativa. Lënda nakotike u sekuestrua në cilësinë e provës ku pas peshimit rezultoi se pesha totale është 768 kilogramë. Në vijim të operacionit janë shoqëruar disa persona në ambjentet e Drejtorisë Vendore të Policisë Gjirokastër në lidhje me këtë gjarje. Specialistët për Hetimin e Narkotikëve në bashkëpunim e Prokurorinë po vijjnë hetimet për dokumentimin dhe vënien përapra përgjegjësisë ligjore të personave të implikuar në këtë veprimtari kriminale. Vijon operacioni”, thuhet në njoftimin e Policisë së Përmetit.
