Kryetari i Partisë Demokratike Lulzim Basha ka shprehur trishtimin e tij për humbjen e këngëtares së njohur shqiptare Nexhmije Pagarusha. Përmes një postimi në Facebook Basha ka thënë se zëri unik i Pagarushës e ka shoqëruar që në fëmijëri pasi është këngëtarja e preferuar e nënës së tij.
“Me trishtim mësova ndarjen nga jeta të bilbilit të këngës shqiptare znj. Nexhmije Pagarusha.
Zëri i saj unik më ka shoqëruar që fëmijë, sepse Pagarusha është këngëtarja e preferuar e nënës time, ishte frymëzim dhe gëzim për të, ashtu si për shumë shqiptarë të tjerë në momente të lumtura dhe të vështira. Prehu në paqe Zambaku i Shqiptarisë! Magjia, forca dhe ëmbëlsia e zërit tënd nuk do të shuhen kurrë!,”-përfundon kreu i PD-së./Opinion.al/
