Kryetari i Partisë Demokratike Lulzim Basha ka vizituar grevistët në Poçem të cilët kanë hyrë në ditën e 8-të të grevës. Basha ka shprehur mbështetjen e tij nga kushte për punëtorët dhe kërkesat e tyre.
“Mbështetje pa kusht për punëtorët dhe kërkesat e tyre! Ata janë tradhëtuar, dhe keqtrajtuar nga qeveria. Viktimat e Edi Rames janë njerëzit e thjeshtë, qytetarët e ndershëm shqiptarë që luftojnë për mbijetesë dhe një jetë normale.
Në këtë betejë unë dhe Partia Demokratike do jemi zëri juaj, do jemi mbështetja juaj. Beteja juaj është beteja e çdo shqiptari, ne do të na keni në krah deri në plotësimin e kërkesave tuaja të drejta. Ju jap fjalën se do ti zhbëj të gjitha padrejtësitë ndaj jush,”-ka përfunduar Basha.
Punëtorët e stacionit të Pompimit të Poçemit kanë hyrë në ditën e tetë të grevës së tyre të urisë. Ata thonë se nuk do të heqin dorë nga kauza e tyre edhe sikur kjo ti kushtojë jetën. Greva e urisë ishte akti i tyre i fundit në protestën për të marrë 27 paga të prapambetura./Opinion.al/
