14 Marsi shënon sot Ditën e Verës për të gjithë shqiptarët. Personalitete të politikës kanë ndarë këtë mëngjes mesazhe urimi për qytetarët e Elbasanit, qyteti simbol i kësaj feste dhe jo vetëm.
Presidenti Ilir Meta përmes një postimi në rrjetin e tij social Facebook, ka shkruar:“Pas një Dimri të gjatë e të vështirë, Pranvera po vjen furishëm! Gëzuar Ditën e Verës!”, shkruan Meta.
Kryeministri Edi Rama ka zgjedhur një këngë të njohur me të cilën identifikohet qyteti i Elbasanit për të uruar qytetarët për Ditën e Verës. “Gëzuar Ditën e Verës”, shkruan Rama.
Ndërsa kreu i Partisë Demokratike, Lulzim Basha përmes një fotoje me lule e verore, ka shkruar: “Gëzuar ditën e verës qytetarëve të Elbasanit dhe gjithë Shqipërisë!’- shkruan Basha.
