Avokati i Lulzim Berishës ka reaguar pas shpalljes në kërkim ndërkombëtar të klientit të tij për vrasjen e Klodian Saliut dhe të Vajdin Lamajt, ngjarje të ndodhura në vitin 2005.
Avokati, Detar Hysi, është shprehur për Abc news se drejtësia është përpara një dyshimi të pa mbështetur në prova dhe fakte.
“Për gjithçka do të ndjekim rrugët ligjore, pasi jemi përpara një dyshimi të pa mbështetur në prova dhe në fakte”, tha ai.
Prokurorët e SPAK arritën të zbardhin dy vrasje të ndodhura 15 vite më parë. Lulzim Berisha, Plarent Dervishaj, Luftar Reci dhe Indrit Taullai janë autorët e dyshuar për vrasjen e kryer në bashkëpunim të shtetasit Kleidi (Klodjan) Saliu dhe Vajdin Lamajt dhe Artan Arsit./ Opinion.al
