Lulzim Berisha ka reaguar nga arratia pas shpalljes në kërkim ndërkombëtar për vrasjen e Klodian Saliut dhe të Vajdin Lamajt ne vitin 2005.
Përmes një mesazhi për News 24 ai ka mohuar akuzat ndërsa ka theksuar se është i hapur për drejtësinë.
Lulzim Berisha e ka cilësuar urdhër-arrestin si një sulm për qëllime politike dhe kërkon që SPAK që t’i vendosë përpara prova që e implikojnë në këtë ngjarje.
“Lulzim Berisha në një mesazh pak minuta më parë për News24 thotë se është i hapur për drejtësinë, po s’ka asnjë lidhje me ngjarjet kriminale. Ai tha se nuk ka asnjë lidhje me vrasjen e Klodian Saliut, pasi kur ka ndodhur ishte për kurim në një spital në Turqi. Faktet ja ka bërë të ditur Krimeve të Rënda.
Për vrasjen e Vajdin Lamajt, ai e mohon kategorikisht implikimin. Kërkon nga SPAK t’i vërë në dispozicion prova dhe fakte që e implikojnë. E gjitha kjo thotë se është sulm për qëllime politike ndaj tij. Nuk dihet nëse do vetëdorëzohet, por deklaron se SPAK duhet t’i vendosë prova përpara sepse po e fut në hasmëri me persona të ndryshëm. E gjitha kjo është sulm për qëllime politike. Nuk dihet nëse do vetëdorëzohet, por deklaron se SPAK duhet t’i vendosë prova”– tha gazetarja Lala./ Opinion.al
