Presidenti bjellorus, Aleksandër Lukashenko ka folur për herë të parë pasi avioni i pasagjerëve Ryanair u mor peng dhe u detyrua të bënte ulje në aeroportin e Bjellorusisë për të arrestuar gazetarin, Roman Protasevich, që ndodhej në bordin e aeroplanit.
Lukashenko sulmoi Fuqitë Perëndimore, për të cilat tha se janë “keqdashës” të cilët po përpiqen të “mbytnin” vendin e tij. Po ashtu Lukashenko tha se sulmet ndaj vendit të tij e kanë kaluar “vijën e kuqe”.
“Siç kemi parashikuar, keqdashësit tanë nga jashtë dhe madje edhe brenda vendit kanë ndryshuar metodat e tyre për të sulmuar shtetin. Ata kanë kapërcyer shumë vija të kuqe, kanë kapërcyer kufijtë e arsyes së shëndoshë dhe moralit njerëzor”, u tha Lukashenko ligjvënësve dhe zyrtarëve Bjellorusë, njoftoi agjencia shtetërore e lajmeve BeITA.
Avioni i Ryanair thuhet se u devijua me urdhër personal të Lukashenkos, megjithëse Bjellorusia pretendon se besonte se ekzistonte vërtet një alarm për bombë i cili doli të ishte i rremë, raportojnë mediat e huaja.
Lukashenko, i cili është quajtur “diktatori i fundit i Evropës” që ka sunduar për 27 vjet, shtoi se ai veproi “plotësisht konfrom ligjit” gjatë incidentit të avionit dhe pretendoi se informacioni në lidhje me bombën erdhi nga Zvicra duke mos dhënë hollësi për burimin.
Pas rrëmbimit të avionit Bashkimi Europian ka bllokuar të gjitha fluturimet me Bjellorusinë./Opinion.al
