Në një kohë kur Europa po merr masa të reja kufizuese për të parandaluar përhapjen e pandemisë COVID-19, Bjellorusia është një nga vendet e pakta që nuk ka aktivizuar masa kufizuese.
Por, Bjellorusia nuk i ka shpëtuar valës së dytë të pandemisë, me rastet e reja pozitive, të cilat prej një muaji janë më shumë se një mijë në ditë.
Presidenti i vendit, Aleksandër Lukashenko, për të disatën herë ka folur për psikozë, duke i sugjeruar popullsisë së tij që të konsumojë vodka, të bëjnë sauna dhe të punojnë më shumë për të mundur virusin.
Gjatë një vizite në një spital në Minsk, Lukashenko nuk respektoi masat anti-COVID. Madje kur u ndodh përballë një pacienti të infektuar ai fillimisht i shtrëngoi dorën, dhe më pas uli maskën që mbante në mënyrë që gruaja ta njihte, dhe në fund i shtrëngoi dorën sërish./ Opinion.al
