Alexander Lukashenko, presidenti i Bjellorusisë, i tha ministrit rus të mbrojtjes të hënën se donte garanci që Moska do të mbronte vendin e tij nëse sulmohej, njoftoi agjencia shtetërore e lajmeve BelTA.
Lukashenko i bëri këto komente gjatë një takimi me ministrin rus të mbrojtjes, Sergei Shoigu, në kryeqytetin e Bjellorusisw nw Minsk.
Lukashenko u citua të thoshte se ai kishte diskutuar më parë këtë çështje me presidentin rus Vladimir Putin, i cili tha se ishte pajtuar me të se garanci të tilla sigurie ishin të nevojshme dhe duheshin formalizuar.
“Jemi pajtuar me Putin se Federata Ruse do ta mbrojw Bjellorusinë si territorin e saj. Këto janë lloji i sigurisë (garancive) që na duhen,” tha Lukashenko.
Bjellorusia, e cila aktualisht pret një kontingjent të forcave ruse, i ka ofruar ndihmë Moskës gjatë luftës në Ukrainë, të cilën Rusia e quan “një operacion special ushtarak”.
Në ditët më të hershme të luftës, Minsk e lejoi Moskën të përdorte territorin e saj për të nisur një sulm përfundimisht të pasuksesshëm në kryeqytetin ukrainas, Kiev.
Që nga fundi i vitit të kaluar, një mori stërvitjesh ushtarake dhe vizitash nga zyrtarë të nivelit të lartë rusë kanë ndezur spekulime se Bjellorusia mund t’i bashkohet zyrtarisht një sulmi të ri ndaj Ukrainës.
Lukashenko ka mohuar vazhdimisht synime të tilla, por ka thënë se Bjellorusia do t’i përgjigjet çdo inkursioni në territorin e saj ose përpjekjeve për të nxitur trazira.
