Një koment rracist ndaj sulmuesit interist, Romelu Lukaku, ka bërë që analisti sportiv italian të përjashtohet nga televizioni ku punonte.
Bëhet fjalë për analistin Luciano Passirani, i cili ishte i ftuar në televizionin italian TopCalcio24, ku ka komentuar paraqitjen e sulmuesit belg në ndeshjen e fundit të kampionatit, kundër Udinese.
Ndër të tjera ai është shprehur se Lukakun nuk mund ta ndalësh duke i dalë përballë, por ai mund të ndaloj nëse i jep 10 banane, duke lënë të nënkuptohet krahasimi i futbollistit me majmunin.
“Është i pandalshëm. Nëse del në duel ballë për ballë me të, je i vdekur, do të rrëzohesh. Shpëton vetëm nëse ke 10 banane për t’ia dhënë që t’i hajë, përndryshe…”, tha Passirani.
Pas këtij komenti aspak profesionist, Drejtori i televizionit, Fabio Ravezzani, në një trasmetim direkt ka kërkuar falje dhe ka deklaruara se Passirani nuk do të dilte më kurrë në trasmetim.
Lukaku është bërë protagonist i disa incidenteve raciste që kur u transferua në Itali nga Manchester United këtë verë. Tifozët e Cagliari-t e vërshëllyen ndërsa po bëhej gati të godiste penalltinë gjatë një ndeshjeje dhe vetë tifozët e Inter-it i dërguan një letër të hapur ku i thoshin se kjo ishte një “teknikë” për të irrituar kundërshtarin.
Ndërkohë, Lukaku teksa ka folur për komentet raciste është shprehur se lojtarët në duhet të braktisin fushën nëse ofendohen nga tifozët, qofshin këta dhe kundërshtarët./ Opinion.al E.Xh.
Italian pundit Luciano Passirani praises @RomeluLukaku9 saying he’s never seen a player of his quality at neither #Inter, #Milan or #Juventus before ending it with “only way to push him down to the floor is to throw 10 bananas at him.”pic.twitter.com/Nv8t8yF9aA
— Nima Tavallaey Roodsari (@NimaTavRood) September 15, 2019
