Luiza Gega është kualifikuar për në Lojërat Olimpike Paris 2024.
Atletja shqiptare u rikonfirmua kampione e Ballkanit në disiplinën 3 mijë metra me pengesa.
Në Kampionatin Ballkanik të Atletikës që po zhvillohet në Serbi, Gega kaloi finishin me kohën 9 minuta, 21 sekonda e 53 të qintat.
Koha e arritur prej saj është normë kualifikuese për në Olimpiadën e vitit të ardhshëm.
Atletika i ka filluar kualifikimet nga data 1 Korrik 2023.
Me kohën e dhënë së fundmi në Kampionatin Ballkanik, Gega bëhet sportistja e parë shqiptare që merr biletën kualifikuese për Paris 2024.
