Luiza Gega mori medaljen e artë të fituar në Lojërat Europiane.
Atletja shqiptare shkëlqeu në Lojërat Evropiane Ekipore duke triumuar në garën e 3 mijë metrave me pengesa në aktivitetin e mbajtur në Poloni.
Gega la gjithë garueset pas vetes në këtë garë, teksa vendosi rekord të ri me kohën 9:17.31.
Duke qenë se gara e Gegës ishte në Divizionin e tretë, priti edhe përfundimin e garave të tjera dhe siguroi medaljen e artë, duke nderuar sërish ngjyrat kuqezi.
Medalja iu dorëzua në një ceremoni të organizuar nga Komiteti Olimpik Kombëtar Shqiptar të martën në Tiranë.
Përveç Gegës, në këtë ceremoni u nderua edhe karateisti Alvin Karaqi, që fitoi medalje të artë po në Lojërat Evropiane Ekipore.
