Diplomati italian, Luigi Soreca rikthehet në Shqipëri si ambasador i Bashkimit Evropian në vendin tonë. Mësohet se Soreca do të drejtojë delegacionin e BE-së në Tiranë deri në emërimin e një ambasadori të ri.
Ish-ambasadori do të marrë detyrën përkohësisht më 1 shtator dhe do të drejtojë delegacionin e BE-së në Tiranë deri në ardhjen e Shefit të ri të Delegacionit.
Ndërkohë ambasadorja aktuale Christiane Hohmann u largua para kohe nga vendi ynë pasi u desh të rikthehej në Shërbimin e Jashtëm Gjerman.
Kujtojmë se Soreca ka shërbyer si ambasador në vendin tonë për tre vite e shtatë muaj. Ai erdhi në Tiranë në shtator të vitit 2018 dhe u largua në prill të 2022.
