Ambasadori i BE në Tiranë, Luigi Soreca ka shprehur mbështetjen e Bashkimit Evropian për vijimin e rrugës së vendit drejt anëtarësimit.
Gjithashtu Sorca u ka bërë thirrje autoriteteve shqiptare të vijojnë të përqendrohen në procesin e reformave, si e vetmja rrugë që do të çojmë Shqipërinë në destinacionin e saj.
Përmes një statusi në Twitter, ambasadori Soreca është shprehur:
“Angazhimi i Evropës për Integrimin e Shqipërisë në BE mbetet i palëkundur. BE vijon të mbështesë fuqimisht rrugën e Shqipërisë në BE, për të sjellë shqiptarët në familjen që ata meritojnë. Autoritet shqiptare duhet të vazhdojnë të përqëndrohen në procesin e reformës…e vetmja rrugë që do të çojë Shqipërinë në destinacion. Jo për BE, por për Shqipërinë dhe të gjithë qytetarët e saj, për progresin e vendit sa përket standardeve të larta të demokracinë dhe ligjit,”-ka përfunduar Soreca në Twitter./Opinion.al/
