Forcat e Armatosura sudaneze dhe Forcat e Mbështetjes së Shpejtë (RSF) ranë dakord për një armëpushim mbarëkombëtar në fuqi nga mesnata e djeshme, pas dy ditë negociatash.
Këtë e ka bërë të ditur përmes një komunikate Sekretari Amerikan i Shtetit, Antony Blinken, duke shtuar se armëpushimi do të zgjasë gjithsej 72 orë.
Kreu i diplomacisë amerikane u bëri thirrje palëve të përfshira në konfliktin në Sudan që të respektojnë marrëveshjen, duke shtuar se SHBA do të punojë me partnerët ndërkombëtarë dhe shoqërinë civile sudaneze “për të krijuar një komitet për të koordinuar arritjen dhe zbatimin e duhur të një marrëveshjeje që çon në një ndërprerjen e përhershme të armiqësive”.
“Qeveria amerikane u bëri thirrje të dyja palëve që të respektojnë plotësisht këtë marrëveshje. Për të mbështetur një fund të qëndrueshëm të luftimeve, Shtetet e Bashkuara të Amerikës do të koordinohen me partnerët rajonalë dhe ndërkombëtarë, dhe palët civile sudaneze, për të ndihmuar në krijimin e një komiteti për të mbikëqyrur negociatat, përfundimin dhe zbatimin e një ndërprerjeje të përhershme të armiqësive dhe marrëveshje humanitare në Sudan.
“Ne do të vazhdojmë të punojmë me palët sudaneze dhe partnerët tanë drejt qëllimit të përbashkët për një kthim në qeverinë civile në Sudan,” tha Blinken.
Njoftimi vjen pas disa ditësh luftimesh të ashpra në Sudan mes gjeneralëve më të fuqishëm të vendit./Opinion.al
