Anton Ivko, një shtetas ukrainas nga Kievi i cili patrullon vullnetarisht në mbrojtje të qytetit, tha në një lidhje në emisionin “Opinion” se janë njoftuar që gjatë natës së sotme rusët mund të sulmojnë qytetin.
“Ne kemi marrë një mesazh që grupet do të vijnë drejt Kievit dhe jemi në patrullim sepse kemi marr një lajm që do të na sulmojmë. Kemi një objekt shumë kritik dhe po patrullojmë për të”, u shpreh ai.
Në një intervistë me gazetarin Blendi Fevziu, Ivko tha se ukrainasit nuk do të dorëzohen deri në fitore.
Pjesë nga intervista në studio
Ivko: Ju bashkova njësisë së mbrojtjes territoriale në mënyrë vullnetare. Askush nuk më shtyn për diçka të tillë. Unë duhet të mbroj tokën time, ky është detyrimi ynë i shenjtë.
Fevziu: A kanë avancuar trupat ruse?
Ivko: Ushtria jonë është duke punuar mjaft mirë deri tani, i ka ndaluar në çdo pozicion jashtë dhe për shkak se nuk mund të ecin përpara janë duke vendosur artilierinë e tyre, pranë vendeve ku mund të arrijnë të godasin periferinë e Kievit, lagje ku jetojnë civilët në periferi të Kievit.
Fevziu: Si është gjendja në Kiev, furnizimi me ushqime?
Ivko: Kievi nuk është i rrethuar. Është duke u furnizuar çdo gjë është në regull. Gjysma e njerëzve janë larguar nga Kievi. Ka rreth 2 milionë njerëz dhe ka ushqim dhe ujë mjaftueshëm për ta.
AFevziu: janë të vendosur për të qëndruar?
Ivko: Ka një valë të madhe ndihme nga njëri-tjetri, njerëzit janë të vendosur të qëndrojnë deri në fund, të luftojnë për tokat etyre. Ne do të luftojmë deri në fund, deri tek fitorja.
Fevziu: Sa janë humbjet e civilëve në Kiev?
Ivko: Nuk di një numër fiks. Nuk di për Kievin, por në Mariupol situata është e keqe. Bëhet fjalë për 300 të vdekur.
Fevziu: A ka luftëtarë të huaj që i janë bashkuar sulmit. A keni takuar?
Ivko: Jo unë personalisht nuk kam takuar, por kam dëgjuar që ka forca që na janë bashkuar nga e gjithë bota. Njësia jonë përbëhet vetëm nga Ukrainas./Opinion.al
