Një zog, i quajtur Nelson, u fut në Jemen në kërkim të ushqimit por përfundoi në duart e luftëtarëve dhe u burgos prej tyre si e dyshuar për spiunazh.
Zogu ra në qytetin e tretë të vendit, Taezit, dhe sipas luftëtarëve kjo është një lëvizje e pazakontë për një hutë të re, që mund të fluturojë për distanca të gjata nëpër kontinente në kërkim të ushqimit dhe motit të moderuar.
AFP raporton se Nelson, afërsisht dy vjeç, e filloi fluturimin e tij në shtator 2018 nga Bullgaria, dhe në krah kishte të instaluar një transmetues satelitor nga Fondi për Faunën dhe Florën e Egër.
Por duket se zogu humbi rrugën e tij, dhe ra përfundimisht në Taez, qytet që ndodhet në pushtetin e rebelëve Huthi, por kontrollohet nga forcat pro-qeveritare, të cilët e dëmtuan transmetuesin satelitor të Nelson, duke pretenduar se ishte një pajisje spiunazhi.
Forcat besnike ndaj qeverisë besonin se GPS i bashkangjitur në krahun e zogut mund të ishte një pajisje spiune për rebelët.
Disa zyrtarë u lutën për lirimin e zogut dhe moskeqtrajtimin e tij, lutje që u pranuan vetëm pas 12 ditësh./Opinion.al
