Kreu i Grupit Parlamentar Taulant Balla, në një dalje për mediat nga kryesia e Kuvendit, i është përgjigjur pyetjes së gazetarëve nëse ka luftë të brendshmen në Partinë Socialiste mes Arben Ahmetajt, Edi Ramës dhe Erion Veliajt.
Balla tha se PS-ja vazhdon t’i mbetet qëndrimit se drejtësia bën punën e vet, nërsa shtoi se mazhoranca nuk e pengon punën e drejtësisë.
“Çfarë s’kam dëgjuar. PS ka votuar një raport dhe ai qëndrim është qëndrimi ynë për këtë çështje. E vërteta është që PS-ja vazhdon t’i mbetet qëndrimit se jemi një republikë parlamentare, drejtësia bën punën e vet, Kuvendi bën punën e vet dhe secili duhet të vazhdojë punën. Ne nuk jemi nga ata që pengon punën e drejtësisë. Ky ka qenë një nga rastet e pakta që ka pasur një raport të komisionit hetimor dhe është votuar. Kemi dhe një raport tjetër, për privatizimin e OSSH-së, ku shqiptarët humbën 418 mln euro. Unë e mbështes SPAK për hetimin, shqiptarët duan që të gjithë këto dosje, si Gërdeçi, 21 Janari, CEZ/DIA të hetohen me paanshmëri dhe të vendoset drejtësi”- theksoi Balla./Opinion.al
