Ka patur një shkëmbim të fuqishëm zjarri në qytetin meksikan të Kuliakan, ku anëtarë të kartelit të Sinaloas kanë qëlluar me artileri të rëndë forcat e sigurisë kombëtare pasi autoritetet arrestuan njërin nga djemtë e ish-drejtuesit të kartelit të Sinaloas Hoakin “El Çapo” Guzman.
Ministri i sigurisë i Meksikës, Alfonso Durazo, tha që një patrullë nga policia e Gardës Kombëtare fillimisht u sulmua nga brenda një shtëpie në qytet, 600 km (370 milje) në veriperëndim të qytetit të Meksikës.
Pasi hynë në shtëpi, ata arrestuan Ovidio Guzman Lopez, i cili akuzohet për trafik droge në Shtetet e Bashkuara.
Sidoqoftë, patrulla u sulmua shpejt nga personat e armatosur të kartelit, dhe u vendos që policia të tërhiqej për të mbrojtur jetën e Gardës Kombëtare dhe për të rikthyer qetësinë në qytet, pasi anëtarët e kartelit kishin ngritur postblloqe dhe ishin duke qëlluar me armë të rënda.
#ULTIMAHORA
Detienen al hijo de El Chapo Guzmán, Iván Archibaldo Guzmán, lo que está ocasionando una fuerte balacera en #Culiacán #Sinaloa en esta ciudad pic.twitter.com/MjqqLsu3sx— LaGaceta.me (@LaGaceta_me) October 17, 2019
“Vendimi u mor për t’u tërhequr nga shtëpia pa Guzman në mënyrë që të shmangej më shumë dhunë në zonë dhe të ruhej jeta e personelit tonë” tha Durazo.
Shkëmbimet e së enjtes thuhet se u nxitën nga arrestimi i Ivan Arçivaldo Guzman Salazar, një tjetër nga djemtë e Çapos. Është ende e paqartë nëse ai është ndaluar.
28-vjeçari Ovidio Guzman López është një nga katër fëmijët nga martesa e dytë e Çapos. Ai është akuzuar nga DEA amerikane, së bashku me vëllain e tij të madh, Hoakin Guzman Lopez, për lidhje me trafikun e kokainës. /Opinion.al
